પ્રતિબિંબ

પ્રતિબિંબ

શોધો ત્યારે જ છળે  પ્રતિબિંબ!

ભરબપ્પોરે પગ તળે પ્રતિબિંબ!

એકલતાની એ હશે ચરમસીમા

શોધો સહવાસને મળે પ્રતિબિંબ!

આ ટેક તો એને મળી વારસામાં

કિરણ વળે છે કે વળે પ્રતિબિંબ?*

હદ બહાર હંફાવે છે આત્મશ્લાઘા

ખોળે હરણ મૃગજળે પ્રતિબિંબ!

રોશની મથે ઓગાળવા શમાને

એવું  બને કે ઓગળે પ્રતિબિંબ!

(છંદવિધાન: ગાગાલગા ગાગાલગા ગાલગાગા)

courtesy :Amit Patel http://ghazalshala.blogspot.in

- તમારી જિત્વા