Thursday, May 30, 2013

મામાની કંકોત્રીમાં મારૂ નામ

રવિવારે મારા મામાના લગ્ન છે. ત્યારે હાલ બધા લગ્નની તૈયારીઓને આખરી ઓપ આપવામાં પડ્યા છે. મામાની લગ્નની કંકોત્રીમાં મારૂ અને ખુશી દીદીનું નામ પણ મુકવામાં આવ્યું છે.

હવે લગ્નના આડે બે દિવસ જ બાકી રહ્યા છે પરંતુ હું તો ક્યારની મામાના ઘરે આવી ગઇ છું. અને પપ્પા પણ આવતી કાલે આવે છે. ચાલો હવે બીજી વાતો પછી કરીશું મારે રમવાનું મોડું થાય છે.






- તમારી જિત્વા

Monday, May 13, 2013

એમુ ફાર્મની મુલાકાત

હું શ્રીકાંત મામાના લગ્ન કરવા માટે વતનમાં આવી છું અને હાલ ટીંબાવાડી દાદાના ઘરે છું  જ્યાં નજીકના ગામ નાંદરખીમાં પપ્પાના કઝીન હેપ્પીભાઇએ એમુ ફાર્મ બનાવ્યું છે. જેમાં ઘણા બધા એમુ રાખ્યા છે. આજે હું દાદા, ફઇ, મોટા મમ્મી, મમ્મી, અને ધૈર્ય ભાઇ, પુષ્ટિ દીદી, નેત્રા દીદી અને પપ્પા સાથે એમુ ફાર્મની મુલાકાતે ગયા હતા.

મને તો આ એમુ જોવાની મજા પડી ગઇ.



 










- તમારી જિત્વા

Friday, May 3, 2013

બુકફેરની મુલાકાતે

ગઇકાલે હું અમદાવાદ બુક ફેરની મુલાકાતે ગઇ હતી. અમદાવાદ મ્યુનિ. કોર્પોરેશન દ્વારા ખુબ જ સરસ આયોજન કરવામાં આવ્યું હતું. સંખ્યાબંધ પ્રકાશકો અને પુસ્તકો વચ્ચે શું ખરીદવું અને શું ન ખરીદવું તેની વિમાસણ થાય તે સ્વાભાવીક છે.

આ વખતે એક વાત એ પણ જોવા મળી કે હવે સંખ્યાબંધ સાઇટ દ્વારા ઓનલાઇન પુસ્તકો વેંચવામાં આવે છે અને તે પણ ગુજરાતીઓને ગમતા ડિસ્કાઉન્ટ સાથે.  પપ્પાએ પણ થોડા દિવસ પહેલા ઓનલાઇન "જય હો" પુસ્તક મંગાવ્યું હતું અને ખુબ જ સરસ અનુભવ રહ્યો.

લોકોને પુસ્તકો વાંચતા કરવા અને માતૃભાષાને જીવતી રાખવા માટે આ સરસ પ્રયાસ છે. અહીં દરરોજ સાંજે સાંસ્કૃતિક પ્રોગ્રામ પણ રાખવામાં આવ્યા હતા. ગઇકાલે શ્યામલ, સૌમિલ મુન્શી, મનહર ઉદાસ અને અન્ય કલાકારો દ્વારા સરસ મજાના ગીતો રજુ કરવામાં આવ્યા. મને શ્યામલ, સૌમિલના કંઠે ગવાયેલું "સુખનું સરનામું આપો" મને બહુ ગમ્યુ, તો અહીં આવેલા કવન અને ભવ્ય સાથે ધિંગા મસ્તી કરવાની પણ એટલી જ મજા પડી.

મને તો ખુબજ મજા આવી હવે હું આવતા વર્ષે ફરી પાછું બુક ફેરનું આયોજન કરવામાં આવે તેની કાગડોળે રાહ જોઇશ.





બુકફેરની બહાર પણ સરસ મજાના ટેબ્લો ગોઠવવામાં આવ્યા હતા પરંતુ તેના ફોટા લેવાનું રહી ગયું છે.

- તમારી જિત્વા