Wednesday, January 28, 2015

પપ્પા પાપ એટલે શું ?


આજે હું અને પપ્પા સાંજે ટીવી જોતા હતા ત્યારે મેં પપ્પાને એક ગંભીર પ્રશ્ન પુછી નાખ્યો કે પપ્પા પાપ એટલે શું ?

મારો પ્રશ્ન સાંભળીને તો થોડીવાર માટે પપ્પા પણ વિચારતા થઇ ગયા. વિચાર્યા બાદ તેઓએ મને સમજાય તે રીતે જવાબ આપ્યો કે ભગવાનને ન ગમે તેવું કામ કરીએ એ પાપ. મેં પપ્પાને વળતો પ્રશ્ન પુછ્યો કે તો તો આપણે નીચે પડેલા ફુલ ભગવાનને ચઢાવીએ તે પણ પાપ જ કહેવાય ને ? કારણ કે ભગવાનને તો તે પણ ન જ ગમે ને ?

પપ્પા મારા પ્રશ્નો વચ્ચે અટવાતા લાગ્યા એટલામાં મમ્મી અમારી વાતમાં વચ્ચે આવી અને અમારી ચર્ચા અધુરી રહી.

તમારી દ્રષ્ટિએ પાપ એટલે શું ? મને જરૂર જણાવશો. ચાલો ત્યારે હવે મારે સુવાનો ટાઇમ થઇ ગયો છે.

- તમારી જિત્વા