Thursday, October 18, 2012

દિવાળીની સાફસફાઇની મજા

પોસ્ટનું હેડીંગ જોઇને તમને આશ્વર્ય થયું ને કે દિવાળીની સાફસફાઇની તે કંઇ મજા હોય ? ખરૂને !!! દિવાળીની સાફસફાઇ બીજા માટે ભલે સજા હોય પણ મારા માટે તો મજાથી કમ નહોંતી.

દિવાળીમાં મમ્મીએ માળીયા અને કબાટમાંથી એવી વસ્તુઓ કાઢી હતી કે જે ભાગ્યે જ મારા ધ્યાનમાં આવી હોય પછી તે જુના મેગેઝીન હોય કે ગોદડા અને ઓશીકા...એટલું જ નહીં ખાલી પલંગથી પણ હું મનભરીને રમી.





- તમારી જિત્વા

હવે ફોટા બહુ થયા

મારી પાસે ચણીયા ચોળીનો એક સેટ હતો અને બીજો મમ્મીએ અપાવ્યો આથી હવે બે સેટ થઇ ગયા. એક સેટના ફોટા તો મેં મુક્યા છે પરંતુ આ પોસ્ટ સાથે આ બીજા ડ્રેસમાં પાડેલા ફોટા પણ મુકી રહી છું. આ ડ્રેસના ફોટો પાડવામાં પપ્પાએ એટલી બધી વાર કરી કે મારે કહેવું પડ્યું કે હવે ફોટા બહુ થયા.


 


- તમારી જિત્વા

Tuesday, October 16, 2012

હેપ્પી નવરાત્રી 2012

આજની નવલી નવરાત્રી શરૂ થઇ રહી છે અને ચારે તરફ આ તહેવારની તૈયારીઓનો ધમધમાટ જોવા મળી રહ્યો છે. મેં પણ ચણીયાચોળી લાવી દીધી છે અને દાંડીયા વગેરેની ખરીદી ગઇકાલે કરી આવી છું. નવરાત્રીને અનુલક્ષીને મારી મોટાભાગની ખરીદી પુરી થઇ ગઇ છે.

હું જે દિવસે ચણીયાચોળી લાવી તે જ દિવસે સાંજે મેં તેને પહેરીને ટ્રાય પણ કરી લીધી. અને આ ફોટાઓ પણ પાડ્યા. આ વખતે તો મેં નેટપ્રેક્ટીસ પણ સારી એવી કરી છે માટે ગરબામાં ધુમવાની પણ મજા આવશે.







- તમારી જિત્વા