બા મને વાર્તા કરો ને ???

હમણાં બા આવ્યા છે મને રમાડવા અને એક સામાજિક પ્રસંગમાં હાજરી આપવા માટે. બા ના આગમન સાથે જ મને તો મજા પડી જાય, કારણ કે બા મને બહાર આંટો મારવા લઇ જાય અને મને હાલરડાં પણ સંભળાવે.

આજકાલ સવાર સવારમાં બા જ્યારે તેના ધાર્મિક પુસ્તકોનું વાંચન કરતાં હોય ત્યારે હું પહોંચી જાવ તેમની પાસે અને મારી સાંકેતીક ભાષામાં બુક બતાવીને તેમને કહું કે બા મને વાર્તા કરો ને ?

મારી જીદને માન આપીને બા તેમનું વાંચવાનું પડતું મુકીને મને પુસ્તકમાંથી કાનાની અને યશોદા માતાની વાર્તા કરે અને ચિત્ર દ્વારા મને સમજાવે પણ. આ વાર્તા સાંભળ્યા બાદ મને કેવી મજા આવતી હશે તે તમે આ ફોટામાં જોઇ શકો છો.

- તમારી જિત્વા