જે ઘર તડકો ના\'વે

આજે ઘરમાં બારી વાટે આવતા તડકાને જોઇને મને આશ્વર્ય થયું, મેં વિચાર્યું કે બધી વસ્તુને પકડી શકાય તો તકડાને શા માટે નહીં ?

મેં બાળસહજ ભાવે તડકાને પકડવાની મથામણ કરી, તડકો પકડવામાં તો મને સફળતા ન મળી પણ કંઇક કર્યાનો આનંદ જરૂર થયો.

તકડાની જ વાત નીકળી છે તો વાંચો ઉશનસની આ સરસ મજાની રચના.

જે ઘર તડકો ના\'વે

ઉષ્માભર જ્યાં ‘આવો’ કહી કો ભાવથી ના બોલાવે,
શું કરવા જઈએ એવે ઘર, જે ઘર તડકો ના’વે?

સપ્તભોમ આવાસ ભલે હો, આરસની હો ભીંત,
પણ જો એ ઘર કોઈ ન બોલે, અધરે ના હોય સ્મિત,
શું જવું ત્યાં જ્યાં પંખી ના’વે નભ પણ ના’વે?

એહની સંગ શુ હસવું? એહની સંગે વાત શી લેશ,
એનો હાથ પકડીએ શીદને? દઈએ શેં આશ્વેષ
જેને અડક્યાવેંત ઉમળકે હૈયે થડકો ના’વે?    

   (સૌજન્ય : www.tahuko.com)      - ઉશનસ્ 

- તમારી જિત્વા

સુરજને પકડવાની મથામણ

આજે સવારે મમ્મીએ જેવી બારી ખોલી પડદો હટાવ્યો ત્યાં જ ઘરમાં સુરજના કિરણોનો પ્રવેશ થયો. મારા માટે તો આ આખી ઘટના જ નવી હતી. આથી મેં તો બાળ સહજ ભાવે સુરજદાદાને પકડવાનું નક્કી કર્યું અને લાગી પડી સુરજના કિરણોને પકડવાના પ્રયાસમાં.

થોડીવાર મહેનત કર્યા પછી સમજાયું કે લોકો સુરજને દાદા શા માટે કહે છે ? અને થોડા પ્રયાસો પછી સુરજને પકડવાનો પ્રયાસ પડતો મુકવો પડ્યો.

- તમારી જિત્વા

રોક શકો તો રોકલો

આજે રાત્રે પપ્પા પગ આડા રાખીને છાપુ વાંચી રહ્યા હતા. અને મારે એક તરફથી બીજી તરફ જવું હતું. પપ્પાએ જવા ન દેતા મેં પગ નીચેથી થઇને જવાનું પસંદ કર્યું. અને જુઓ હું કેવી સીફતતાપૂર્વક પગ નીચેથી નીકળી ગઇ.

છેલ્લા ફોટામાં જુઓ મારા પરાક્રમમાં હું જેવી સફળ થઇ કે પપ્પાએ મને શાબાશી પણ આપી.  

- તમારી જિત્વા

પરંપરાગત પાઘડી અને હું

રાત્રે જમ્યા બાદ હું પપ્પા પાસે રમતી હતી ત્યારે પપ્પાએ મમ્મીની ચુંદડીમાંથી મારા માથા પર પાધડી બાંધી આપી. શરૂઆતમાં તો મને શું થઇ રહ્યું છે તેની ખબર ના પડી પરંતુ બાદમાં પાઘડી પહેરવાનું મને પણ ગમ્યું.

પરંતુ મને પાઘડી પહેરવા કરતાં પણ તેને ખોલવામાં વધુ આનંદ આવતો હતો.

- તમારી જિત્વા

ચોકલેટ દ્વારા ચિત્રકારી

ધ્યાનથી જુઓ આ ફોટાઓને ....કદાચ તમને આ સામાન્ય ડાધાઓ હોય તેમ લાગતું હશે પરંતુ હકિકતે આ મારા દ્વારા દિવાલ પર કરવામાં આવેલી ચિત્રકારી છે. આ ચિત્રકારી કરવા માટે મે અન્ય કોઇ વસ્તુના બદલે ચોકલેટનો ઉપયોગ કર્યો છે.

અત્યાર સુધી તમે અવનવા માધ્યમ દ્વારા થયેલી ચિત્રકારી જોઇ હશે પરંતુ ચોકલેટ દ્વારા થયેલી આ ચિત્રકારી તમે કદાચ પહેલી વખત જોઇ રહ્યા હશો ખરૂ ને ?

અને હા આ ચિત્ર તમને કેવું લાગ્યું તે જણાવવાનું ન ભુલતા હો ?

- તમારી જિત્વા

અલગ અલગ રીતે એક નામ

તમે ક્યારેય વિચાર્યું છે કે તમારૂ નામ અલગ અલગ ભાષામાં કેવી રીતે લખાય. શું કહ્યું નહીં ? કંઇ વાંધો નહીં જુઓ મારૂ નામ "જિત્વા" બાર કોડ લેન્ગવેજ, બ્રેઇલ લેન્ગવેજ, મરીન ફ્લેગ લેન્ગવેજ, સાઇન લેન્ગવેજ અને ન્યુમરોલોજીમાં અલગ અલગ રીતે આ રીતે લખી શકાય.

ન્યુમરોલોજી

મરીન ફ્લેગ લેન્ગવેજ

બ્રેઇલ લેન્ગવેજ

બાર કોડ લેન્ગવેજ


સાઇન લેન્ગવેજ


કેમ મજા આવીને કંઇક અલગ જાણીને ? તો હવે તમે પણ શોધી પાડો કે તમારૂ નામ આ ભાષામાં કેવી રીતે લખી શકાય.

- તમારી જિત્વા

મુઝે ભી લાઇક કરો ના

મારા માટે ગોળ રોટલી તે વિશ્વની આઠમી અજાયબી સમાન ઘટના છે. મમ્મી જ્યારે રોટલી બનાવતી હોય ત્યારે પ્લેટફોર્મ પર બેસીને હું તે કેવી રીતે રોટલી ગોળ કેવી રીતે બને છે તે જોતી હોઉં છું.

હાલ હું નિરીક્ષણનો તબક્કો પુરો કરીને હવે પ્રેક્ટીકલ જ્ઞાન મેળવવા માટે મથી રહી છું. જેમાં મને મમ્મી અને મારા રમકડાનો પાટલો વેલણ મદદ કરી રહ્યા છે.

આ ફોટાઓમાં તમે જુઓ હું કેવી સરસ રીતે મમ્મીની નકલ કરી રહી છું. મારાથી મમ્મી જેવી ગોળ રોટલી તો ના થઇ પરંતુ મારા પ્રયત્નને તો તમારે બીરદાવવો જ રહ્યો.

હવે નીચે આપેલો આ ફોટો જુઓ જે પપ્પાને ફેસબુક પરથી મળ્યો હતો. આ ફોટામાં મારા કરતાં નાની છોકરી રોટલી વણતી હોય છે અને કહેતી હોય છે કે મુઝે ભી લાઇક કરો ના.

- તમારી જિત્વા