દિકરી મારી લાડકવાયી

મારે આજે તમને સંભળવવી છે ગુજરાતી ભાષાના શીરમોર ગાયક અને બે દિકરીના પિતા એવા મનહર ઉધાસના કંઠે ગવાયેલ આ હાલરડું.

હું બુકફેરમાં મનહર ઉધાસને સાંભળવા ગઇ હતી ત્યારે પણ તેઓએ આ સરસ મજાનું હાલરડું ગાયું હતું.

- તમારી જિત્વા

નવરાત્રીની તૈયારી

હવે નવરાત્રીને ગણતરીના દિવસો બાકી રહ્યા છે, પણ મેં તો અત્યારથી જ નવરાત્રીની શરૂઆત કરી દીધી છે. આજે રાત્રે મમ્મી મારી ચણીયા ચોળીને ગોઠવી હતી ત્યારે મેં તેને પહેરીને ચેક કરી લીધી અને પપ્પા પાસે આ સરસમજાનાં ફોટાઓ પણ પડાવ્યા.

નવરાત્રીની તૈયારી કંઇ એમને એમ થોડી થાય માટે મેં ચણીયાચોળી પહેરીને ગરબાની પ્રેક્ટીસ પણ કરી જુઓ આ વીડીયો.

 

આ ફોટાઓ અને વીડીયો તમને કેવો લાગ્યો તે મને જરૂર જણાવજો હો.

- તમારી જિત્વા

દીકરીદિનની સૌને વધાઈ !

આજે 22મી સપ્ટેમ્બર એટકે કે ડોટર્સ ડે છે. આજના દિવસને અનુરૂપ બે કવિતાઓ તમારી સાથે શેર કરવી છે. આશા છે તમને ગમશે.

1,    ''જ્યારે વિધાતાએ દીકરી સરજી....''

વિધાતાએ દીકરી ઘડી ને ત્યારે ખૂબ ખાંતે 
કસબી હાથેથી એણે કરી શી કમાલ 

રૂપનો અંબાર કરું, મીઠપ અપાર ભરું,
ખજાનો ખુટાડી કરું મલકને ન્યાલ.

દેવીયું કનેથી માગી લીધો મલકાટ
અને મધરાત કેરા માપી સીમાડા સુદૂર,

ચપટીક રજ લીધી નખેતર તણી,
અને દીકરીને આંખે ભર્યા દમકતાં નૂર.

સાકરનો લઈને સવાદ એણે દીકરીમાં,
તજ ને લવિંગ વળી ભેળવ્યા જરીક.

સૂરજનાં ધોળા ફૂલ હાસ ને હુલાસ દીધાં.
જોઈ કારવીને કીધું, હવે કાંક ઠીક.

વિધાતાએ દીકરી ઘડીને વળી જોઈ જોઈ
વારે વારે હસું હસું થાય એનું મુખ

હૈયે એને હાશ, હર માવતર કાજે ધર્યું,
હર્યુંભર્યું હેત નર્યું નીતર્યું આ સુખ!

અનુ.. મકરન્દ દવે    


2,          "દિકરી"

આળસ મરડીને ઉઠતી જાગતી, 
બા-બાપુજીને રોજ પગે લાગતી.

બા ગાલે કાળું ટપકું કરતી,
કારણ કે એ નમણી લાગતી.

કાલુંધેલું બોલતી ફરતી,
ઝરણાં જેવી રમતી કુદતી.

તોફાનમસ્તી ખૂબ એ કરતી,
રિસાઇ દાદાની ગોદમાં સંતાતી.

વરસાદમાં એ ખૂબજ ના'તી,
કોરી થઇને ઘરે એ જાતી.

વહાલથી બાને બક્કા ભરતી,
ખોળામાં બેસીને વાર્તા સાંભળતી.

ઘર આખાને એકતાંતણે બાંધતી,

દીકરા કરતા સવાઇ દીકરી થાતી.

તમને આ કવિતાઓ કેવી લાગી તે ચોક્કસ જણાવજો હો...હું ચાલી મારી ફ્રેન્ડ વેદીકા સાથે રમવા.

- તમારી જિત્વા

નસીબદાર બાળક

તમે વિડીયોમાં જોઇ રહ્યા છો તે બાળકનું નામ છે ઇન્ડિગો, 9 જુલાઇ, 2012માં યુકેમાં જન્મેલા આ બાળકના માતાપિતાએ તેની વિવિધ પ્રવૃતિઓના વિડીયો લેવાનું શરૂ કર્યું રીપીટ રોજે રોજના વિડીયો અને દિકરાના જન્મદિવસના દિવસે આ 365 વિડીયોમાંથી એક નાની ફિલ્મ બનાવી જેમાં તેને દરરોજ મોટો થતો જોઇ શકાય.

એક પિતા તરફથી પુત્રના જન્મદિવસે આનાથી સારી ભેટ બીજી કઇ હોઇ શકે. તમે પણ આ વિડીયો જોઇને ઇન્ડિગોને બી લેટેડ હેપ્પી બર્થ ડે કહેવાનું ના ભુલતા હો.

(માહિતી સૌજન્ય : હિમાંશુ કિકાણી, સાયબર સફર)

- તમારી જિત્વા

ડર કે આગે જીત હૈ...!!!

શરૂઆતમાં મેં થીયેટરમાં કેટલીક ફિલ્મો જોઇ પછી ખબર નહીં કેમ સિનેમા હોલમાં ફિલ્મ જોવાનો મને ડર લાગતો હતો પરંતુ હવે મેં મારા આ ડર ઉપર કાબુ મેળવી લીધો છે. મારી ફ્રેન્ડ વેદીકાના પગલે મેં પણ પપ્પાને કહ્યું કે આપણે ફિલ્મ જોવા જવું છે.

હું ફિલ્મ જોવા દઇશ કે નહીં તેવા ડર વચ્ચે પપ્પા "યે જવાની હૈ દિવાની" ફિલ્મોની ટીકીટ લાવ્યા અને તેમના આશ્વર્ય વચ્ચે મેં સરસ રીતે પુરી ફિલ્મ જોઇ, કોઇપણ પ્રકારની માથાકુટ વગર. ત્યારબાદ તો હું "રાંઝણા" ફિલ્મ પણ જોઇ આવી. તમે પણ જોઇ આવજો આ ફિલ્મ સરસ છે હો..કે...!!!

અને હા...જતાં જતાં સાંભળો ફિલ્મ  "યે જવાની હૈ દિવાની" નું મારૂ પસંદગીનું ગીત.

- તમારી જિત્વા

નર્સરીનો પહેલો દિવસ

છેલ્લા ઘણા સમયથી મને નર્સરી કે કે.જી.માં બેસાડવાની વાત ચાલી રહી હતી. અને જ્યારે મને કોઇ પુછે કે જિત્વા સ્કુલે જવાની ને....ત્યારે જવાબમાં હું હંમેશા ના જ કહેતી હતી. આ કારણે પપ્પા, મમ્મી પણ ચિંતામાં હતા કે શું થશે ?

પરંતુ બધાના આશ્વર્ય વચ્ચે હું આજે સવારે નિયત સમયે તૈયાર પણ થઇ ગઇ અને મંદીરમાં દર્શન કરી ઠાકોરજીના આર્શિવાદ લઇને સ્કુલે પણ પહોંચી ગઇ. થોડો સમય રડવાનું થયું પરંતુ પછી વાંધો ન આવ્યો.

ઘરની બાજુમાં લીટલ એન્જલ નામે પ્લે હાઉસ છે કે જ્યાં મેં નર્સરીમાં એડમીશન લીધું છે. મારા મેડમનું નામ ગીતાંજલી પાઇ છે જેઓએ બોમ્બે યુનિ. માંથી એમએસ.સી બોટનીમાં અભ્યાસ કર્યો છે અને તેઓ છેલ્લા 14 વર્ષથી અહીં પ્લે હાઉસ ચલાવે છે.

અહીં એડમીશન લેતા પહેલા પણ પપ્પા, મમ્મી સાથે હું અહીં આવી ગઇ હતી અને મારા ક્લાસરૂમ અને અન્ય સુવિધાઓથી અવગત થઇ હતી.

હં....હવે તો સ્કુલે ગયા વગર છુટકો નથી.

હે ભગવાન આર્શિવાદ આપો

પ્રભુ મારી પ્રાર્થના સ્વિકારજો

ચલો સ્કુલ ચલે હમ...

મારી નર્સરી સ્કુલ લિટલ એન્જલ

 

- તમારી જિત્વા 

દાદાને ત્યાં દાદાગીરી

હું હાલ દાદા ઘરે છું. અહીં સાંગલીથી ધૈર્યભાઇ અને ફઇ પણ આવ્યા છે. બધા ભાઇ બહેનોમાં હું સૌથી નાની છું આથી બધાની લાડકી પણ ખરી.  ઉંમરમાં હું ભલે સૌથી નાની હોંઉ પરંતુ હું એવું માનતી નથી જ્યારે મોકો મળે ત્યારે દાદાગીરી કરવામાં હું જરાય પાછી પડતી નથી...અને જો પહોંચી ના વળું તો અદાને ફરીયાદ કરૂ છું. આ રહ્યા તેના કેટલાક બોલતા પુરાવાઓ અને સાક્ષી તરીકે પુષ્ટી દીદી.

- તમારી જિત્વા