હેપ્પી વુમન્સ ડે 2013

આજે ઇન્ટરનેશનલ વુમન્સ ડે છે ત્યારે એક સરસ મજાના કાવ્ય સંગ્રહનું પુસ્તક તમારી સાથે શેર કરવું છે. ભરત એલ. ચૌહાણ (https://okanha.wordpress.com)દ્વારા સંકલીત કરવામાં આવેલા દિકરી નામના આ પુસ્તકમાં દિકરી વીશેની એકથી એક ચઢીયાતી કવિતાઓ છે.

તમને પણ વુમન્સ ડે નીમીતે ખુબ ખુબ શુભકામનાઓ.

- તમારી જિત્વા

હેપ્પી વુમન્સ ડે

સમગ્ર દુનિયામાં આજના દિવસે એટલે કે 8 માર્ચના રોજ વુમન્સ ડે મનાવવામાં આવે છે. આજે જ્યારે ચારે તરફથી મહિલાઓ પર શુભેચ્છા વરસી હોય ત્યારે હું શુભેચ્છા ન આપું તેવું બને ? વુમન્સ ડે મનાવવાની શરૂઆત રશીયાથી થઇ હતી અને હવે તેને સમગ્ર દુનિયામાં મનાવવામાં આવે છે. ભારતમાં પણ હવે આ દિવસને ખાસ રીતે મનાવવામાં આવે છે.

8 માર્ચ 1857ના દિવસે ન્યૂયોર્કમાં મહિલાઓએ ટેક્સટાઇલ ફેકટરીઓમાં આંદોલન કર્યું હતું પરંતુ પોલીસે આ આંદોલનને દબાવી દીધું હતું. બાદમાં બે વર્ષ બાદ આજ દિવસે ફરીથી મહિલાઓએ પોતાનું યુનિયન બનાવ્યું. 1908માં ન્યૂયોર્કમાં 15000 મહિલાઓએ પ્રદર્શન કરી કામના કલાકો ઘટાડવા, સારો પગાર મેળવવા અને મતદાનનો અધિકાર મેળવવાની માગ કરી.

1910માં કોપનહેગનમાં પહેલું આંતરરાષ્ટ્રીય મહિલા સંમેલન ભરાયું. જેમાં આંતરરાષ્ટ્રીય મહિલા દિવસ તરીકે ઉજવવાનું નક્કી કરવામાં આવ્યું. આ વિચાર જર્મનીની મહિલા આંદોલનકર્તા અને સામાજિક કાર્યકર્તા ક્લારા જેટ્કિનનો હતો.

યુરોપની મહિલાઓએ પ્રથમ વિશ્વયુદ્ધની પૂર્વસંધ્યાએ 8 માર્ચ 1913ના રોજ શાંતીનો સંદેશો આપતી એક રેલી કાઢી હતી. પશ્વિમના દેશોમાં આંતરરાષ્ટ્રીય મહિલા દિવસ 1910થી 1920 સુધી મનાવવામાં આવ્યો પરંતુ ત્યારબાદ ઉત્સાહમાં ઉણપ આવી.

1960ના દાયકામાં એક વખત ફરી આંતરરાષ્ટ્રીય મહિલા દિવસની જરૂરીયાત જણાઇ કે જેથી મહિલાઓનું સશક્તિકરણ થઇ શકે. અને આજે જુઓ આ દિવસના દિવસે ઘણીબધી સંસ્થાઓ મહિલાઓનું ખાસ સન્માન કરે છે.

આજે ઘરે પણ આંતરરાષ્ટ્રીય મહિલા દિવસના ઉપલક્ષમાં મમ્મીએ મહિલાઓની પહેલી પસંદ એવી પાણીપુરી બનાવી છે. ચાલો હવે મારે પાણીપુરી ખાવાનું મોડું થાય છે....

- તમારી જિત્વા